ابك ياعيني الشاعر أحمد منصور

إبكي ياعين

        على إللي جه ولا جاش

لا فرحه ولا روح

            ولا ريحه مشمنهاش

رمضان دا شهر العباده

              ولا خلاص مبقاش

أفل الجوامع آل إيه

         صوامع للمرض فبلاش

ياعين إبكي وهللي

      على لمه قبل العشا

              خرجت ولا رجعاش

في كل شيء حوالينا زحام

     لا حظر نافع ولا فيه كلام

إلزم في بيتك هنسليك

     بكلام فكاهه هنلهيك

    من غير ضوابط ولا إحكام

إبعد شويه الله خليك

   عن السعاده هنسيك

    إنسا الفرح كان فيها زحام

إبكي ياعين ع اللي كان 

       راحت صلاة الجماعه

               وراح معاها القيام

حتى الصلاه

       في البيت كسالا

               فيها انشغاله

                   ولا في انسجام

لا بقينا نعرف

     إن كان فيه جمعه

           ولا خطبه جامعه

                       والناس نيام

والسبت عدا والحد عدا

         أسبوع وتاني

     ولا حد جانا يرمي السلام

يارب لطفك إرحم بعفوك

     عبد حائر    عاقله انفصام

إبكي ياعيني  ودمعي 

                      خلص الكلام 

✍️حمد منصور

  25/04/2020