ليلة الألف شهر الشاعر د. أحمد عبد الرحمن

ليـــــلة الألـــــــــــف شهر 

الليلة دى بيكتمل بدر البدور

....الفرحة تملا قلبنا .....

والسكك مفروشة نور

....يليلة وحدة فضلها .....

غالبة الف من الشهور ...

الملايكة م السما تنزل طبور

تطلع طبور ....

ترمى السلام على كل ساجد 

..فى الجوامع جوة دور 

فردة جناحها تضمنا

.....فى المحافل ع الجسور

..الليلة ليلة المرحمة

باسم الغفور ......

.مدد ايديك يم السما 

اخشع ودور .....

وازرف دموعك بالندم

تعبر بحور ....

.تلقى الجنان متفتحة

تلقى الحبور ......

.خللى كتابك سكتك ..

.تلقى الصحارى كلها

تطرح زهور ...

.لو كان رسولك اسوتك 

.....حترق لك كل الصخور ...

.الحق كلمة فى الضمير 

....تملا القلوب سكنة الشعور 

.....تبدر سنابل معرفة 

ضد الشرور ...

ومعاها ابليس اتحسر 

....يصرخ يغور ......

الليلة عرس المؤمنين 

.....تملا قلوبنا باليقين ....

تبنى لاجلك الف سور 

.....وتصد اجناد العدا

اهل الفجور ...

.امسك خيطان المسبحة 

.....جدف وزور ...

.وانزل بحار الشوق

واغرق ومور .....

.الغرق فى يم الرضا

نعم البرور

خللى جوادك همتك 

سافر وزور 

وأسأل قلوب المحرومين 

مشفتش نور 

تلقى جواب المسألة 

أول سطور 

الخضرا تطلع فى السهول 

مش وسط بور 

والنجمة تسطع فى السما 

مش قلب زور 

خللى الهك قبلتك 

سدد سهامك فى السحور 

ارفع ايديك صن أمتك 

انس الغرور 

وامسك حبال المسكنة 

وانس الشرور 

تنسى القنابل فى الوطن 

تنسى الخصومة والمحن 

حى الشعور 

سامح وصافح وابتسم 

لاتنتقم ......

واحم الثغور.

خليك صبور

واملا حياتك باليقين

زى الطيور 

لابد بعد الليل نهار 

حتزول ستور 

وابدر سنابل فى الحجر

وارم جمايلك فى النهر

وزع حنانك ع البشر 

ترجع بنور القدر فيك

بدر البدور.

ترجع بنور القدر فيك

بدر البدور 

د \ أحمد عبد الرحمن