ذكرى الشاعر محمد علي دياب
ذكرى
يوم فراقنا كنت فاكر انى هانسى
وإكتشفت فى الحقيقة انك انت ماتنسيش
إكتشفتك لوحة حلوة ماتترسمش
و كلمة أحلى ماتنحكيش
كنت فاكر قلبى ينسى
لما أدور ملقاكيش
والتقيتك واقفة جنبى من ساعتها مامشيتيش
* * * * *
كل ما أسرح وفى خيالى ألاقى صورتك
كل ما أسكت وفى ودانى يرن صوتك
عارفة ...من يوم الفراق وأنا نفسى أشوفك
عارفة... ولا لحظة عشتها يفارقنى طيفك
حبك إنتِى وحبى ليكى دا شئ جميل
وإعتراف الكل بينا أو
مساعدة حد لينا دا مستحيل
* * * * *
نفسى أقولك يوم فراقنا ده كان حزين
بس حاسس ان وصفى له مش أمين
حُزن يوم ممكن يعدى ويتنسى بِمَرْ السنين
إنما دا فراقنا إحنا تحيى ذكراه السنين
نفسى أقولك افهمينى وقدرى لى بعدى عنك
كنت فاكر انى بأبنى حياتك انتِى ببعدى عنك
كنت فاهم انى بأبنى حياتى وبآااخد طوبة منك
كنت حاسس إنى صح فى فراقنا وبعدى عنك
واكتشفت الهدم فى حياتى وحياتك
يوم فراقنا كان هو اللى فااااااااتك
* * * * *
حاسس انى ظلمت نفسى وجيت عليها
بالفراق خدت نور الدنيا كله من عنيها
بس عارفه؟؟ ... يوم فراقنا دا كان جميل
كنت حاسس فيه إنى هزمت المستحيل
عِشت نشوة الإنتصار بعدك مواقف
إنتصار عقلى على كل العواطف
* * * * *
بعد فترة قلبى جاااانى يشتكيلى من اللى كان
قالى ليه نبعد؟ نفارق؟ ونرتضى غدر الزمان؟؟
قالى كان لازم نقاوم... قالى كان لازم نعيش
مش عشان القال وقولنا وكام هايدفع
نرضى دايماً ننجرح وإيه اللى يمنع ؟؟
إننا كنا نعانى والحب يعيش
حبك انتى وحبى ليكى دا حب سامى ماينتهيش
* * * * *
نفسى أفارقك بس أسيبك زى ما إنتى
وبعدها يقولوا إن فراقنا ماهمكيش
نفسى أهاجر وأنتقل لبلاد بعيدة
بس أعرف مرة واحدة إنك سعيدة
نفسى أسيبك وانتى حاسة بإنتصار
و على الحب اللى ضاع ماتلوميش
بس وحياة حبى ليكى وحبك انتى
تعرفى يا حبيبتى انى ماخنتكيش
دى الطريقة اللى إنتهت قصتنا بيها ماتنحكيش
بقلم / محمد على دياب عثمان
تعليقات
إرسال تعليق