روح في حالك من سكات الشاعر جمال زكي عينر
( روح في حالك من سكات ) :
روح فى حالك من سكات
ما تجادلشى فى اللى فات
اللى فات اهو راح وعدى
خلينا ولاد النهار ده
اللي فات كان حي مات
يعني اصبح ذكريات
روح في حالك من سكات
ما تجادلش في اللي فات
اللي راح مش جي تاني
راح معاه عمري وزماني
راح معاه اجمل سنيني
لما كان حبك عشاني
راح وخد اجمل حاجات
خد فرح وترك آهات
روح في حالك من سكات
ما تجادلش في اللي فات
كل شىء وله نهايه
زى ما كان له ف يوم بدايه
شوف طريقك ياللا روح
قلبي داب اوي م الجروح
اللي فات كان امنيات
ماعادش بيننا خد وهات
روح في حالك من سكات
ما تجادلش في اللي فات
روح وشوف لك حد تانى
إنسى بيه عهدي وزمانى
يمكن القى حد غيرك
انسى بيه جرحي وهواني
انسى بيه كل اللي فات
الدقايق والساعات
ياللا روح بقى من سكات
ما تجادلشى فى اللى فات
بقلمي الشاعر جمال زكي عينر
تعليقات
إرسال تعليق