فرحة وعيد ويوم جديد الشاعرة حنان العجمي

قصيدة/ فرحةوعيد ويوم جديد💕💕

بالعامية المصرية

بقلمى/حنان العجمى🌹

أهلاً بالعيد وفرحة ويوم جديد

وبسمة مرسومة والكُل سعيد

يا هَناه يالِّلى مُعَايدِتى لِيه بمواعيد

وسرور على قَلبُه يِزِيد

وكلام م القلب يفيض

بِوِد ومَحبَّة أكيد

ودَعوات بأجمل عيد

ودوام الوصال بِيزيد

وِدَا كان أحلَى كلام

من ورد يفَتَّح ما ينام

ما دام يِسمَع كلام

يسقيه من غير مواعيد

و من قلب لقلب رسول

وِوِد عُمْرُه ما يزول

وفرحة عيد على طول

وَيَا سَعدُه يا هَنَاه

يا لِّلى بِمُعايدِتى لِيه

دَايماً فَاكراه

وورد هَاديَاه

يا لْلَا اتحَضَّر

و كَبَّر الله أكبر

وصَلِّى وادعِى

وورد إهدِى

وطريق مِنَوَّر

بِذِكر وقُرآن مُرَتَّل

وَيَا عِيد يا لِّلى

فَرحِتُه تَمَلِّى

دايْماً بِتندَهلِى

إوْعِى تسيبِينِى

وعَ السعادة خُدِينِى

دايْماً عَوِّدِينِى

ولَا يوم تفارقِينى

وبنورِك اغمُرينِى

ولَا يوم تِنسِينِى

وبقلبِك على طُول خَلِّينِى

يا فَرحِة العِيد يا لِّلى

تَمَلِّى بِتندَهلِى

يا روحى يا لِّلى

عِيدِك من السَما

للأرض وصَلْ لِى

حَرَّض شِعرِى

وقلمى يِسرِد

ويهَنِّى ويعَيِّد

حبايبى وأهلى

وَيَا بَختُه يا لِّلى

بِمُعايدِتى مَذكور

وبوِدِّى دايْماً مَوصول

حنان العجمى#🌹