أنا شي تاني الشاعرة حنان العجمي
قصيدة بعنوان/أنا شىء تانى وفى حُبِّى أنانى
بالعامية المصرية
بقلمى/حنان العجمى#
لَوْ يوم كُنْت مكانى
لَوْ عِشت ف يوم أشجانى
لَوْ تبعِدنِى عن أوهامى
لَوْ كُنت بزمانى وقلبَك هَدَانِى
حنانَك غَطَّانِى...لَمَلَكت أيامى
زمانى..... مكانى
العَالَم وكل كيانى
لازِم تعرَف...أنا شىء تانى
وف حُبِّى أنانى
وإن قلبَك إدَّانِى..يكسَب قلبى..
وكُلِّى احتوانِى..أنا شىء تانى
كُن نورى...طريق قُدَّامِى
سندى وأحلامى
لو كُنت طُوق النجاة
وف بَحرى عَلَّانِى...
وعَ الشَّط أَخَدنِى وِوَدَّانى
كُنت تِلقانى...
شمس أحلامك راسيَة بشُطآنِى
وأَعِيد من تانى...أنا شىء تانى
و ف حُبِّى أنانى
لو كُلَّك تِحيانِى
ودَمِّى يِجرِى بشُريانى
ولَا يوم أعانِى
أقول تانى...
كُلِّى كُلَّك وكيانى
و فوق على سحاب الهوا بتهوانى
لو كُنت ظِلِّى الحامِى
وعِشَّك أمانى
و عَ الأرض الصلبَة عنوانى
لازِم تعرَف ....أنا شىء تانى
مِشْ بَس كلام وأغانى
بخيالَك تِهوانِى
و تاركنِى بكُون تانى
أسقى الورد وإنتَ البُستانِى
النَّدَى غَطَّى الياسمين
و جُورِى ورياحين
و فاض الحَنِين
و الشجر إتهادَى شمال ويمين
و قمر صَلَّى ....و قال آمين
وأقول تانى أنا شىء تانى
و ف حُبِّى أنانى
لو سَلِّمت...هَسَلِّم...
وسلامِى يكون عَهدِى
و عَهدَك مَكتوب
و بكُل كتاب مَشهُود
وشُعاع الشمس يعود
وأَعِيد من تانِى
أقول تانِى
أنا شىء تانى
و ف حُبِّى أنانى
اهدينِى القلب هَتلقانِى
فرحة اترَسَمِت عَشَانَك و عَشَانِى
و من تانِى رُوحَك تِحيانِى
قلبَك مِلكِى وعنوانى
أنا شىء تانِى...أنا شىء تانِى
حنان العجمى#
تعليقات
إرسال تعليق