شمل منك؟؟؟؟ ....ابو جراح احمد

شمل منك؟؟؟؟

نهاري يخلص بحسبات وأنته ولا خبر منك ...

بعيده دروبك وساعات تفرفح روحي وتشتهي حضنك ..

شيخلصه الليل بألآه وانتَ ولا رساله ولا أمل منك ..

لمع حتى النجم بالسما الظلمه...

وروه العطشان روحه وأنجلى همه..

وأنه وي روحي وگلب متعوب أمتانين الأماني الغافيه بحسنك...

شمل منك؟؟؟؟

ردلي بس ياريت الترد بيهن اشوفنهن چنت بأحلامي،،،

عميات النواظر ومسوربات الشوف ماتن بيهن أوهامي،،،

روحي يم باب المگابر بلهفه وأتاني الوعد ردو سلامي،،،،

شگد بعد واليه تعود...

وأمحيها الليالي السود..

ملتني الچفوف التمسح الدمعات.. ولا عانن دعائي...خايف يا حبيبي من ترد چا بيش أشبگنک ۔۔۔۔

شمل منك؟؟؟

يفرحة عيد ويمر على الأيتام...

ياوسن عين الحرس لو رادت اتنام..

يا عشگ اول صبا هوسه وچثيره أحلام....

يا گمر ديرة أهلنه ولو خسف يمليها الظلام....

يا گذلة حديثه طيرها الهوا وبالزلف غافيه الأوهام   ...

آنه وي ليل الهجر صرنه عرف...هوَ چلماته حزينه وآنه مااملك حرف....

الطيبه وعشگ روحك..وأحساسك..وأمانينه..ناطرين تعود....

شمل منك؟؟؟؟

....ابو جراح احمد