عريش الشوق ع كتاف أفكاري الشاعر علي خليل
🌛✍ عربش الشوق ع كتاف أفكاري 🖎 🌜
تعمشق بعقلي بعثر بأسراري
🕰⏱⏲ ⌚ ⏲⏱🕰
وكمشة عقارب تلسع التكات
🌛✍ سم العقارب تسلل لأشعاري 🖎🌜
عربش الشوق ع كتاف أفكاري
تعمشق بعقلي بعثر بأسراري
وكمشة عقارب تلسع التكات
سم العقارب تسلل لأشعاري
عقرب ثواني يكزدر على الطرقات
وعقرب دقايق عم يكتب حكايات
وعقرب الساعة ما شي ع عكازات
والوقت قاتلني عم يلعب بناري
وتكات قلبي عم تلحق التكات
نيران شوقي عم تحرق اللحظات
ساد الصمت وتيتموا السهرات
ضج الصمت وحدي بمشواري
ناطر لوحدي عم حاكي العتمات
ع شموع آهاتي رقصت الآهات
غاص القلم غرقان بالدمعات
غرق الورق والورق مش داري
وينك إنت عم يصرخوا النايات
رموشي الوتر عم تعزف النوتات
عودي صمت عم يعزف روايات
تيخبرك ع الشوق ويخبر خباري
🌛🎶🎼🎶🌜 ✍ 📖 🖎 🌛🎶🎼🎶🌜
✍🖋📖 علي درويش خليل 📖🖋🖎
🌛🎶🎼🎶🌜 ✍ 📖 🖎 🌛🎶🎼🎶🌜
تعليقات
إرسال تعليق