اتكلم يا قاضي الشاعر محمد آل غبن
( إتكلم ياقاضى)
بقلمى الشاعر/ محمد غبن
شاعر آل غبن
6/6/2020
ماتقولي ياقاضى يا حالف
اليمين وبتحكم فينا بالعدل
ليه الضماير ماتت والناس
معروضه عليك بجرايم قتل
قول وإحكي ع اللى خلانا
عايشين جوانا حقد و غل
ساعتها بتكتر الجريمه
وأخلاقنا وقيمنا صارت وحل
ماتقول وترد عليا وأصعد
وشوف بنفسك على كتافى
وأنت معاك ميزانك جايز تشوف
أكتر ويكون عدلك بينا شافى
فيه ناس بتأذى بعضها وتقف
متهمين أمامك ورا القضبان
وقعوا فريسه لإغراء الشيطان
قتلوا من جواهم رحمة الإنسان
ساكت ليه مبتتكلمش مش
أنت برضوا خليفة ربنا في الأرض
منتظر يوصلوا للنتيجه دي ويقفوا
متهمين قدامك ساعة عرض
صدقنى دورك كبير لو شرعت
قوانين سلوك للعقل والرشد
مش إحنا كلنا عرب دم واحد
وصنعنا حضاره وطب و مجد
أخدوهم مننا الغرب وصدروا
الجريمه وبصهينه بنقتل ف بعض
ساكت ليه ومبتردش عليا
ولا أنت مش معانا
عايش في حته تانيه
ابعت لكل مسؤول خاطب كل
العقول أنت كبير وكلامك مسموع
إتكلم عن القيم اللي ماتت إتكلم
عن الأخلاق عن خلايق الجوع
قول واتكلم ولو كتافى مش
شايلاك اطلعك في مكان مرفوع
بس إتكلم متخليش عدم الترابط
يسوس جوانا العقول و الضلوع
صدقني هنصبح بلا رحمه
مجتمع معندوش لربنا رجوع
إوعاك تتنصل وتقول فيه ناس
المفروض عليها كل المهام ديه
كفايه عليا شغل المحاكم
والأحكام واهتمامى بكل قضيه
مش هفكرك تانى أنت خليفة
ربنا وكلمتك ليها وزنها بين البشريه
تعليقات
إرسال تعليق