ليه الواحد لما يموت الشاعر جمال زكي عينردد
( ليه الواحد لما يموت ؟ ) :
ليه الواحد لما يموت
يفتكروا له الوحشة وبس
يفتكروا له العدس وفوله
وينسوا العز وأكل الوز
ينسوا الود وينسوا الحب
ينسوا العشرة وطيبة القلب
ليه بينسوا له لما زمان
كان علشانهم شايل الغلب
ليه بينسوا له اي حنان
ليه فاكرين له القسا والذنب
افتكروا له الحلوة يا ناس
ده الموت طايل كل الناس
ما نحدفش الناس بالطوب
واحنا بيوتنا إزاز في إزاز
أصل الظلم يا خلق حرام
في المسيحية وفي الاسلام
ضرب الحي يا ناس مرفوض
اما الميت ضربه حرام
بقلمي الشاعر جمال زكي عينر
تعليقات
إرسال تعليق