الغشاش بقلم أسامة الحكيم
غشاش و طالع يتمنظر
ووراه زميله بتمخطر
بأعلى صوته بيهزر
ووزيرنا عمال بيحذر
بيحكى للناس و يقول
الحل بيجيلى على طول
طول ما معايا المحمول
بقه دا ي اخونا معقول
طالب مقراش و لا ماده
وولادنا اتهدوا مِيت هده
سرق الغشاش درجاتنا
و فرح و الحسرة جاتنا
ما حد م الوزاره غاتنا
ليه اختلت الموازين
و الخاين يبقى أمين
دا كلام و الله مش سليم
اوعوا تزعلوا يا مجدين
دا حالنا بقالنا سنين
و ربنا ما يعلى الواطيين
و كمان المصيبه ديه
مصحح م الشرقيه
بيجرى م الصبحيه
عشان ينهض العربيه
و يروح التصحيح نعسان
و يحلف بعزة الرحمن
ليطلع تعبه ع الطلاب
و يعيشهم عذاب في عذاب
دا مش لوم و لا عتاب
دى حقيقه مش ع الكل
فيهم برده ناس زى الفل
تعليقات
إرسال تعليق