تاهت الكلمات الشاعر أسامة جديانة
لما شفت عيونك
وصابني الصمت والسكات
من سهم رموشك
كتبت من الحروف أبيات
لجل ماأقولهولك
وفى ليلي سهرت مع الأنات
مشتاق للمسة أيديك
صوتك اسمعه نغمات
وكتير رديت عليك
وانا ماشي فى الطرقات
فضلت اناجيك
لاسمعت تاني اصوات
ولا بهاء طلتك
طيفك يقول همسات
فى خيالي احييك
لا داري الميعاد فات
ولا فين اراضيك
فضلت فى لحظة سبات
اتذكر موعدك
سمعت كتير رنات
منايا اكلمك
فتحت الاتصالات
محتاج كلمة بحبك
كان حلم وظل ساعات
فى الحلم قابلتك
وتاهت مني الكلمات
لما شفت عيونك
(((أسامه جديانه)))
تعليقات
إرسال تعليق