أنا عايز أعيش الشاعر مجدي الشيخ
أخرج من جوايا أخرج
دي الروح بدأت مني بتخرج
وانت ليه مش راضي تخرج؟
أخرج أنا عايز أعيش
الزمان بيروح وييجي
وانت ساكن ليه ف وريدي
قلنا يمكن يوم ياسيدي
تتنسي.. مابتتنسيش
خدت روحي وخدت عمري
فيها إيه لو كان تقوللي
لسه في ف القلب حاجه
أو تقوللي.. لأ مافيش؟
كل ماهرب من خيالك
بافتكر نظرة عينيك
بافتكرني جيت في بالك
بيرجعني الشوق إليك
وافتكر إنك سامعني
باكتشف.. ماسمعتنيش
والحنين بيزبد حنين
والعذاب مابينتهيش
فيها إيه لو كان تقوللي
لسه في ف القلب حاجه
أو تقوللي.. لأ مافيش؟
... بقلمي مجدي الشيخ....
تعليقات
إرسال تعليق