الحلم الوردي بقلم محمد عبد العزيز

 (الحلم الوردى)

وانا ماشى ع الترعه

طلعتلى بلطيه

بعنيها غمزتلى

وقالت بحنيه:

سالخير يا اسمك ايه

أنا قلت:  بسم الله

هو انت إنسيه !

قالتلى: شايف ايه ؟

أنا قلت:  حوريه

ضحكت كما الكروان

وبصوت جميل فتان

كأنه أغنيه

قالت: أنا اسمى رباب

وأبويا عبتواب

وأمى نبويه

أنا قلت معقوله !

أبوك سيد الناس

وامك قمر وناس

والمرسى ابو العباس

ماتكونى غير لي

قالت: أنا ريداك

من يوم ماكنت هناك

بتزور أبو عليه

واتشعلقت ف ايدى

حسيت بيوم عيدى

والفرحه ف عيني

وف عز مانى طاير

زينه وفرح داير

فجأه ياخلق الله

وصحيت على هيصه

والحاج عبد اللاه

فاتح دماغ خيشه

قلت الحكايه ايه

ياحاج عبد اللاه

قاللى قليل الأصل

اتجوز على عيشه

(محمد عبد العزيز)