قصيدة"الى القدس"بقلم"عبد الحميد السماحي
إلى القدس
بقلمي / عبدالحميد السماحي
دام الأمل يا أمل
والصبح جاي هنعدي
بحلف برب الكون
بالقدس راح أصلي
مهما أخدنا البعاد
ليه أنا متوضي
وجبيني فى السما مرفوع
وكفانهم على يدي
انا الفارس انا النسمه
انا الرسمه اللى بتهدي
دام الأمل يا أمل
والصبح جاي هنعدي
انا عزيمة عمر
وصلاح الدين فى قلبي
والسد لو إنفجر
الدنيا فين هتودي
على قبلة خاتم الرسل
ايدي فى ايدك هنعدي
دام الأمل يا أمل
والصبح جاي هنعدي
اقسم برب السما
لو الدنيا كلها ضدي
انا هقود السفينه
وللجنه انا متوضي
ومهما يقولوا علينا
بدمي للقدس انا هفدي
والصبح جاي بحلاوته
وهقف مكان جدي
دام الأمل يا أمل
والصبح جاي هنعدي
بقلمي
عبدالحميد السماحي
مصر / محافظة كفرالشيخ
تعليقات
إرسال تعليق