أكتر جد بيتألم الشاعر شاعر المحروسة

أنا أكتر حد بيتألم ..

لو يلمح ف عنيه ال بسمه

ما أنا عارف إيه جاي وراها ..

ووراها هموم هتكون . قاسمه

ضهري وحيلي وكاسره ضلوعي ..

وهأعيش غرقان وسط دموعي

أنا أكتر حد ف قلبه حطام ..

والظلم مكسر ف قلوعي

أنا أكتر حد لمح ف الغدر ..

وإتاخد ياما علي خوانه

من كتر الحزن اللي ف قلبي ..

لو صدفه العين ضحكت ليله ..

الضحكه بتتطلع بهتانه

وده حال حالي بكل أمانه

مهدود ومشوه من جوه ..

ومعادش في قلبي خلاص قوه ..

تستحمل لو ملي زياده

متروس المر ف جوف حلقي ..

والضيق بقي مستعمر خُلقي

بقي أضيق من خُرم الإبره ..

بقي أضيق حتي من العاده

والحال ده صبح هو العاده

بقي صعب يزول أو يتغير

وخلاص حاسس عمري . قصير

وهأموت من غير م ألمح فرحه

الدنيا بجد يا ناس جارحه ..

وأنا عشت الجرح أشكال وألوان

والبؤس ف عمري ده كان عنوان

أنا أكتر حد إتهان خده ..

م الخَلق كبيرهم و صغير

أنا أكتر حد بأشوف إني ..

ف الدنيا دي دايمآ متسير

والدنيا ف حالي كانت حاسمه

أنا أكتر حد بيتألم ..

لو يلمح ف عنيه ال بسمه .

#شاعر_المحروسه