يانيل الشاعر محمدعلى دياب
يانيل مالى سواك
بأشكى اليك حالى
من خلى والأهالى
أشكى لمين غيرك
وأنا يانيل طيرك
شربت من فيضك
وأكلت من خيرك
أشكى اليك حالى
من خلى والاهالى
أقضى معاك يومى
واسهر فيك الليالى
أبكى يانيل دمعى
يشهد على حالى
لا فى يوم لاقيت عمى
ولا يوم لاقيت خالى
ومين يشيل همى
ومين يقول مالى
أشكى لمين تانى
من أهلى وجيرانى
هما بعيد عنى
وانت قريب منى
تسمع يانيل منى
وتشيل يانيل همى
واسع ومالك زى
لون ميتك له ضى
حسيت كتير يانيل
انك حقيقى حى
نبض الحياة جواك
وعشان كده بأهواك
أهواك يانيل أهواك
وأعيش حياتى معاك
واتمنى عمرى يانيل
انى أندفن جواك
يانيل مالى سواك
★ ★ ★
تأليف
محمدعلى دياب
مصر
تعليقات
إرسال تعليق