جيت ف ثانية ورحت ف ثانية الشاعر جمال زكي عينر
( جيتي ف ثانيه وروحتي ف ثانيه ) :
جيتي ف ثانيه وروحتي ف ثانيه
زى الدنيا القاسيه الفانيه
طب ليه جيتي وطب ليه روحتي
اتسببتي ف حيرتي ودوختي
ياريتك كنتي ما روحتي وجيتي
ولا عديتي ف يوم على بيتي
كنت ارتحت وعشت ف حالي
ماكنتيش جيتي ف يوم على بالي
ايه اللى كسبته لما جيتيني
غير طيرتي النوم من عيني
روحي يا شيخه ربي يسامحك
روحتي وفايته كل ملامحك
باسهر ليلي افكر فيكي
ورد خدودك سحر عينيكي
واما بالاقي النوم يجافيني
والقى الدمعه تسيل من عيني
افضل اغني اغاني حزينه
مرة يا ليلي ومرة يا عيني
يمكن انسى خيالك وانسى
انك مرة ف يوم زورتيني
جيتي ف ثانيه وروحتي ف ثانيه
زي الدنيا القاسيه الفانيه
بقلمي الشاعر جمال زكي عينر
تعليقات
إرسال تعليق