الشعر الشاعر أسامة أحمد
الشعر قادر
بس مش بنعبده
الشعر ساحر
بس مش بنقلده
الشعر يعلو
بس فيه اللي أعلى
وهوه كيان
بنوجده
وبنرسمه
ونحدده
بس برضه بيعتبر
مخلوق ضعيف
عمره ماصدق
وناولنا رغيف
فقير جدا
لايغني ولايسمن
كخيال أوطيف
اوعى تخليه راسمالك
لضيع نفسك وعيالك
واوعى تسبح باسمه ف.يوم
وتمدح فيه وتعمله ألبوم
وتحطه ف.قلبك
وتسيب أصحابك
أوتتولى إمارته
وتتعالى بأشعارك
مين هيكفن قلبك ؟
ويستر أبياتك ؟
مين هيغسل عمرك ؟
ويقرالك قرٱنك ؟
حب الشعر مفيش مانع
بس الحب الأكبر
لازم تديه للي حواليك
وتعبر عن كده
بأفعال من صنع أديك
الشعر كلام
مع أنغام
بس حقيقي عمره ما يوقف
غدر الأيام
أو يحمل عنك أوزار
أو ٱلام
ولو اتعارض شعرك
مع أكل العيش
ارميه ورا ضهرك
قبل ضناك مايقول اديني
ونت تقوله يابني سامحني
منين أديك ونا معييش ....؟
أسامه عبد القادر أحمد
تعليقات
إرسال تعليق